પૃષ્ઠ:Raschandrika Part 1 and 2.pdf/૧૪૧

૧૩૨

રાસચંદ્રિકા

 

---

કાનુડા ! કહે, સમ્તાકૂકડી રમવા કે હતી તને બેનુડી રે લોલ?
હતી તને ઝમઝમ ઝાંઝર ઝમતી કે ધોળી ધેનુડી રે લોલ ? ૯

કાનુડા ! શું માખણ ચોરી ખાતો કે અમ્રત માતનાં રે લોલ?
બા શું તને ચોંતી ખણતી ગાલે કે માનતી એ વાત ના રે લોલ ? ૧૦

કાનુડા ! તેં માટીના ઘર આવાં કે કીધાં પાછાં ભાંજવા રે લોલ?
કીધાં કદી પત્તનાં ભડ મહેલ કે ઘડી સૌને આંજવા રે લોલ ? ૧૧

કાનુડા ! તું પાછો મારી સાથે કે રમવા આવશે રે લોલ?
નાની મારી રંગીન ગાયના દૂધ કે દોહી પીવા ભાવશે રે લોલ ? ૧૨

કાનુડા ! જો કાગાળ હોડી મારી કે તરવા મૂકશું રે લોલ?
જોજે, નહીં પાણીમાં ડૂબી જાય કે રખે જરી ચૂકશું રે લોલ ! ૧૩

કાનુડા ! ત્યાં બેઠા કાલી કાલી વાત કે કરશું ખેલતાં રે લોલ;
આવશે મેના પોપટ મોર કે બોલ ઉકેલતાં રે લોલ. ૧૪

કાનુડા ! જો જશોદાબા તારી સુણશે કે અમને લોલતાં રે લોલ,
કહેશે, તાર જેવું હજીયે સૌ બાળ કે કાલું કાલું બોલતાં રે લોલ ! ૧૫

કાનુડા ! કહે મુજને, તું ફરી બનશે કે મારા જેવો નાનુડો રે લોલ?
મારા જેવો નાનુડો છે તેને કરશે કે તારા જેવો કાનુડો રે લોલ ? ૧૬