આ પાનાનું પ્રુફરીડિંગ થઈ ગયું છે
૧૪૨
રાસચંદ્રિકા
બાપુજી
♦ મારી માને કહેજો તે આણાં મોકલે રે. ♦
ગાજે સિંધુ ગંભીર ઘેરાં ગીતડે રે,
ગાજે ઊંડો ઊંડો ઘૂઘવાટ:
ગાજે મોંઘા બાપુજીના બોલડા રે.
મોજાં ઊછળે ઊંચે ને પાછાં ઊતરે રે
એવા ઊતરે ચઢે ઉકળાટ:
ગાજે મોંઘા બાપુજીના બોલડા રે. ૧
એને બોલે બોલે બોધ ઊતરે રે,
જેવા વરસે શીળા વરસાદ:
ગાજે મોંઘા બાપુજીના બોલડા રે.
ઊગી ઝૂલી રહે બાળઉર લીલુડાં રે,
બધું જીવન બને આબાદ:
ગાજે મોંઘા બાપુજીના બોલડા રે. ૨
