આ પાનાનું પ્રુફરીડિંગ થઈ ગયું છે
૧૫૮
રાસચંદ્રિકા
ગોરસ
♦ શામળા ગિરધારી . ♦
મારી ગોરસીના ગોરસ આ લેશો કે રંગભર રસિયાજી?
મારાં ગોરસનાં મૂલ નહીં થાય,રંગભર રસિયાજી;
એનાં અણમૂલાં મૂલ ક્યાંથી દેશો રે રંગભર રસિયાજી?
એ તો વેચાયાં નહીં વેચાય, રંગભર રસિયાજી ! ૧
રેડે સૂરજ કિરણની ધારા, રે રંગભર રસિયાજી,
ઝીલે ધરા, ગ્રહો ને સોમ, રંગભર રસિયાજી;
એના અંતરપ્રકાશ કંઇ ન્યારા રે, રંગભર રસિયાજી,
નહીમ્ પામો એ ઠાલવતાં વ્યોમ, રંગભર રસિયાજી. ૨
ઉષા સંધ્યાનાં ઉર નભ ખોલે, રે રંગભર રસિયાજી,
સોના રૂપાની રેલમછેલ, રંગભર રસિયાજી;
એનાં હૈડાં રસઝોલે, રે રંગભર રસિયાજી,
એની લક્ષ્મીના અઢળક ખેલ, રંગભર રસિયાજી. ૩
