પૃષ્ઠ:Raschandrika Part 1 and 2.pdf/૨૦૬

વિકિસ્રોતમાંથી
આ પાનાનું પ્રુફરીડિંગ થઈ ગયું છે
૨૦૦
રાસચંદ્રિકા
 


પ્રભુના પુણ્યવિલાસગૃહેથી કદી કદી આવતા !
સુમધુર મંગલ સ્વર્ગગીતોના કંઇ ભણકાર;
રસભીનાં તે ગીતોનો રસ પૂરણ ઝીલવા,
હસતાં જઈએ એ રથમાં, હૈડાના હાર !
વહાલમ ! રૂપાળો રઢિયાળો રથ શો આપણો !

આવો, પ્રિયતમ ! મંગલ ઘડી છે સુખસૌભાગ્યની !
આકાશે છે શા નવરંગ સજ્યા શણગાર !
એવા રંગ વિષે શો વિલસે છે રથ આપણો !
પ્રભુના મંગલ આશિષા વરસે છે શતધાર !
વહાલમ ! રૂપાળો રઢિયાળો રથ શો આપણો !

હસતો રમતો રૂડલો રથ એ, પ્રાણ, ચલાવશું,
ઝગઝગ જગમાં એનો ઝલકાવી ઝલકાર !
ધીરી, શૂરી તમ વાંસલડી પ્રાણ ! વગાડજો,
હું પણ પૂરીશ સાથે ગાન તણા લલકાર !
વહાલમ ! રૂપાળો રઢિયાળો રથ શો આપણો ! ૧૦