આ પાનાનું પ્રુફરીડિંગ થઈ ગયું છે
દાંપત્ય
૨૧૭
પગલાં
♦ પાલવડો મારો મેલો, મોહનજી . ♦
ધીમાં ધીમાં હો, નાથ ! પગલાં ઉપાડજો,
પગલે પગલે ઝરે જ્યોતિ રે લોલ:
ઊંચા આકાશનો સાગર ગોરંભતો
જ્યોતિ એ ઠારી કરે મોતી રે લોલ:
ધીમાં ધીમાં, હો નાથ ! ૧
પગલાં ઉપાડશો ત્યાં તારલા પાડશો,
વિશ્વની વાટ આ ઉજાળશો રે લોલ:
જીવનનો જોગી કોઈ પાળશે એ પંથમાં,
ઉરની અંધાર તેના ટાળશો રે લોલ !
ધીમાં ધીમાં, હો નાથ ! ૨
કાજળનાં કોડિયાંમાં દીપે એ દીવડા,
એવા પ્રકાશ નાથ ! પૂરો રે લોલ !
કાજળના કોડિયામાં તણખો ઝબૂકતાં,
આત્મા ન કોઈ ભલો બૂરો રે લોલ :
ધીમાં ધીમાં, હો નાથ ! ૩
