આ પાનાનું પ્રુફરીડિંગ થઈ ગયું છે
૨૪૨
રાસચંદ્રિકા
વાવડી હોય તો ઢાંકું, હો વહાલા ! ઢાંકવો સમંદર ક્યાંય ?
હૈયું મારું હેલે ચઢ્યું, મારું જોબન ઢાંક્યું ન જાય !
વહાલા ! આવોની હવે ઘેર ! ૫
કાગળ હોય તો વાંચું વુગતે, વાંચું હું કર્મને કેમ ?
લેખ લખાયા વિજોગના, તેને કોણ ઉકેલે એમ ?
વહાલા ! આવોની હવે ઘેર ! ૬
સૂના મારા ઓરડા, ને સૂના હિંડોળા ખાટ;
એક દિશા ઠરી મારી આંખડી મારી મીટ ગૂંથે એક વાટ :
વહાલા ! આવોની હવે ઘેર ! ૭
તારા ગણી ગણી રાતડી કાધું, વાંચું વ્યોમે દિનલેખ :
દિન ગણતાં મારી ગઈ રે ઘસાઈ અંગુલિઓની રેખ !
વહાલા ! આવોની હવે ઘેર ! ૮
વૃક્ષ વિહોણી વેલડી ને નાથ વિહોણી નાર,
ભાગ્ય વિહોણા ભોગ શા ? એ તો એળે ગયા અવતાર !
વહાલા ! આવોની હવે ઘેર ! ૯
રજનીમાં વેર્યા તારલા, મારી સેજે વેર્યાં ફૂલ :
વહાલમ ! વહેલેરા આવજો ! મારું જીવન ડોલે ડૂલ !
વહાલા ! આવોની હવે ઘેર ! ૧૦