આ પાનાનું પ્રુફરીડિંગ થઈ ગયું છે
૨૪૪
રાસચંદ્રિકા
અંધારી રજનીનાં નયનોના મોરલા
નાચી નાચી રસજ્યોતિ ઝરે;
મારી આ રાત બની ઘેરી, સાહેલડી !
કોનાં નયન મારું હૈડું ભરે ?
સુખનાં સંભારણાં₀ ૪
દુખિયાંને દુઃખના દહાડા વિતાડાવા
સુખિયાંને સુખનાં સોણાં વહે;
જોવું જોવું ને આંખો લો'વું, સાહેલડી !
મનમાંની વાત બધી મનમાં રહે.
સુખનાં સંભારણાં₀ ૫
સુખદુઃખના વાયરા ફૂંકે સંસારમાં,
હૈયાની જ્યોત ત્યાં રહે ક્યાં લગ ટકી ?
સુખને સંભારણે જીવવૌં, સાહેલડી !
આશાના બોલ કોણ બોલે નકી ?
સુખનાં સંભારણાં સળકે, સાહેલડી ! ૬