આ પાનાનું પ્રુફરીડિંગ થઈ ગયું છે
૮
રાસચંદ્રિકા
માનવના મંદિરમાં સરતા,
ડગલે ડગલે રસરસ ભરતા,
રેલંતા એ સૂર મધુર સુરધામના રે :
તે મુજ કામના રે. ૫
સખિ ! ઉરમાં એ સૂર ઉતારું,
હૈયું ધબધબ ધબકે મારું,
રાગ રચું નવલા વહાલાના નામના રે :
તે મુજ કામના રે. ૬
સખિ ! સંધ્યા જો, રંગ મચાવી,
એ સ્વરમાં નિજ ઉર સમાવી,
જોવા ચાલી દીવા દિવ્ય મુકામના રે :
તે મુજ કામના રે. ૭
એ સંધ્યા સંગે હું જાઉં,
શ્યામુરે રસપૂર સમાઉં :
વહાલે સૂર સદા ઝીલું વિશ્રામના રે !
તે મુજ કામના રે. ૮