આ પાનાનું પ્રુફરીડિંગ થઈ ગયું છે
વિસર્જન
૨૬૯
આવજો, જોગીડા !
♦ હીંચ : પાલવડો મારો મેલો, મોહનજી. ♦
ડુંગરે ડુંગરે દેવોની દેરડી,
સીમડે સીમડે દેવોની વાટ ;
વગડે વગડે દેવોના ડાયરા,
નદીએ નદીએ દેવોના ઘાટ :
આવજો જોગીડા ! ૧
લૂમખે ઝૂમખે લહેરે છે આંબલા,
લૂંબડે લૂંબડે ઝૂલે છે મૉર ;
ટહુકી ટહુકી કોયલ હલકારતી,
આભને આંગણે છાયા બપોર :
આવજો જોગીડા ! ૨
ઢૂંઢતાં ઢૂંઢતાં વિલાતી આંખડી,
હીંડતાં હીંડતાં વધતી દિગંત ;
આભલે આભલે ઝબૂકતી વીજળી :
આભલે ઊડતાં આવે ક્યાં અંત ?
આવજો જોગીડા ! ૩
