પૃષ્ઠ:Raschandrika Part 1 and 2.pdf/૩૦

વિકિસ્રોતમાંથી
આ પાનાનું પ્રુફરીડિંગ થઈ ગયું છે
૧૨
રાસચંદ્રિકા
 


કણકણમાં જો મણિ વિલસે છે, બિંદુ બિંદુ બ્રહ્માંડ;
રસગ્રાહક રજરજમાં નિરખે ભર્યો દિવ્ય રસકાંડ :
નયનાં ભરી ભરી નિરખો કો, રસરસ થળે થળે નિતરાય !
ઘૂંટડા ભરી. ૪

સરોવરો છલકે છલકતાં રસજીવવને અર્થ :
ધન્ય ઝીલે રસ રાજહંસ કો, ભગ ઊભા રહે વ્યર્થ !
આત્મા ભરી ભરી ઝીલો કો, પ્રભુની રસપ્રભુતા પથરાય !
ઘૂંટડા ભરી ભરી પીઓ કો, રસનાં સરોવરો છલકાય ! ૫