પૃષ્ઠ:Raschandrika Part 1 and 2.pdf/૪૭

વિકિસ્રોતમાંથી
આ પાનાનું પ્રુફરીડિંગ થઈ ગયું છે
આમંત્રણ
૩૧
 



રાસ

♦ કુંજલડી હો !સંદેશો અમારો ♦


ચાંદની રાત ને કેસરીઆ તારલા,
રાસે રમવા આવજો જી રે !
સરખી સમાણી સૌ સહિયર સાહેલીઓ
સાથે તેડી લાવજો જી રે ! ૧

આણી મેર પેલી મેર ગંગા ને જમના
વચ્ચે વૃંદાવન ચોક છે જી રે.
ગોકુળ ને મથુરાં ને વ્રજ ને વૈકુંઠ,
આવ્યાં ચોદે લોક જી રે. ૨

પગલે પગલે ઝબૂકજો વીજળી,
ફૂલડાં ફૂટજો હાથમાં જી રે;
રાસે રમતાં ને ઘૂમરી ઘૂમતાં
તાળી પૂરજો સાથમાં જી રે ! ૩