આ પાનાનું પ્રુફરીડિંગ થઈ ગયું છે
૩૬
રાસચંદ્રિકા
સંદેશ
♦ કુંજલડી રે સંદેશો અમારો ♦
હૈયાના હોજ આ હેલે ચઢ્યાં હો !
રેલે બ્રહ્માંડ રસધારા રે લોલ :
ઝીલો-ઝીલાવો મનમહેલે , રસિકડાં!
નીતરે સંદેશ કંઈ ન્યારે રે લોલ :
ઊંડા આકશની ખાણો ખોદીને,
કાઢ્યા છે રત્નરૂપ તારે રે લોલ :
એવે તે આંગને આવો, રસિકડાં !
પ્રાણે સમાવો ચમકરા રે લોલ :
પૂર્વે સૂર્યોદયનાં પીછાં પોપટિયાં
રંગે છે દેવના ઉતારા રે લોલ :
પશ્ચિમ પતંગિયાની પાંખો રસિકડાં !
વીંઝે અહિં સ્વર્ગપલકારા રે લોલ :
ચંદાની દૂર દૂર ચમકે કીકી ત્યાં
ઉછળે મહેરામન ખારા રે લોલ :
એવા સંકેત ઉર ધારો, રસિકડાં !
ઊંડા છે આત્મના ઉધારા રે લોલ :
