આ પાનાનું પ્રુફરીડિંગ થઈ ગયું છે
આમંત્રણ
૪૧
દિશ દિશ વેરાય દેવફૂલડાં,
તેવા ઊતરે ફરી તે ઉરચોક રે !
ગુર્જરી રાસે ઘૂમે રે. ૩
નમણૂં ઝૂલે ધનુ મેઘનું,
એવી નમણી ઝૂલે અંગવેલ રે;
ગુર્જરી રાસે ઘૂમે રે.
મૉરી કળાએ કરડાળીઓ
એની હીંચે વસંતે લચેલ રે;
ગુર્જરી રાસે ઘૂમે રે. ૪
પાલવની કોર સંકોરતાં
એનાં કંકણના થાય ખખડાટ રે;
ગુર્જરી રાસે ઘૂમે રે.
આંખે રસાંજન આંજતી
રાખે પાવન એ રસના ઘાટ રે;
ગુર્જરી રાસે ઘૂમે રે. ૫
ધરણી ધમકતી પાયથી,
જાણે ખેલે રણે રણવીર રે;
ગુર્જરી રાસે ઘૂમે રે.
પડતા પ્રચંડ પડછંદ ત્યાં,
જેવાં ધમકે સાગરનાં નીર રે.
ગુર્જરી રાસે ઘૂમે રે. ૬
