પૃષ્ઠ:Raschandrika Part 1 and 2.pdf/૬૫

વિકિસ્રોતમાંથી
આ પાનાનું પ્રુફરીડિંગ થઈ ગયું છે
૫૦
રાસચંદ્રિકા
 


નયણાં નચાવતી તારલી
આવે સરખી સમાણી બહુ ત્યાંય રે :
તલાવડી દૂધે ભરી રે;

નાની ઘડૂલી ભરી નીસરે,
ફોરાં વેરી વેરી ન ધરાય રે !
તલાવડી દૂધે ભરી રે. ૩

સૂરજદાદા કેરી દીકરી
આવે ઉગમણે માંડવ રોજ રે :
તલાવડી દૂધે ભરી રે;

નાહી ભરે કેશ મોતીડે,
રંગે રંગે રેલાય એના હોજ રે :
તલાવડી દૂધે ભરી રે. ૪

દસ દસ દિશાએથી ઊડતા
આવે દિનકરના કિરણહંસ રે :
તલાવડી દૂધે ભરી રે;

દૂધે અજવાળે અંગને,
ને મોતી ચરતા ન અટકે અંશ રે :
તલાવડી દૂધે ભરી રે. ૫

મેહુલિયો મૉરવે મોતીડાં,
ને વીજ હીંચે ગગનને ગોખ રે :
તલાવડી દૂધે ભરી રે;