પૃષ્ઠ:Raschandrika Part 1 and 2.pdf/૭૧

વિકિસ્રોતમાંથી
આ પાનાનું પ્રુફરીડિંગ થઈ ગયું છે
૫૬
રાસચંદ્રિકા
 



રજની

♦ આશાભર્યાં તે અમે આવિયાં ♦


ભરે ભરે ને રજ ઠાલવે,

ને એનાં ઘેને સુવાડે સહુ લોક રે :
રજની રજે ભરે રે :

ટપકી ટપકી એનાં આંસુડાં
ભરી દે છે ગગનના ગોખ રે :
રજની રજે ભરે રે. ૧

ઓળી સમાર્યાં નિજ કેશને,
એના પ્રીતમની જોતી વાટ રે :
રજની રજે ભરે રે :

રંગે ભીની ઊભી દ્વારમાં,
પણ પ્રીતમ ચાલ્યા બીજે ઘાટ રે !
રજની રજે ભરે રે. ૨