આ પાનાનું પ્રુફરીડિંગ થઈ ગયું છે
વિશ્વલીલા
૫૭
આવો, પ્રીતમ ! મારે ઓરડે,
છાંટું મોંઘા મુખે સુધાનીર રે :
રજની રજે ભરે રે :
પોઢો મારે પ્રાણઢોલિયે,
ચાંપું થાક્યાં ચરણ ને શીર રે :
રજની રજે ભરે રે. ૩
થાળી ભરી ભરી ઠાલવ્યાં
મૃદુ સેજે શાં તારકફૂલ રે !
રજની રજે ભરે રે :
આવોને પ્રાણપરોણલા !
ઘડી લ્યોને ઉતારા અમૂલ રે !
રજની રજે ભરે રે. ૪
મૂક્યું ઓશીકું નભગગનું
મારા પોઢણહારને કાજ રે :
રજની રજે ભરે રે :
ચાંદાનું ગાલમસૂરિયું
ગાલે દાબી પોઢો, મારા રાજ રે !
રજની રજે ભરે રે. ૫