આ પાનાનું પ્રુફરીડિંગ થઈ ગયું છે
૫૮
રાસચંદ્રિકા
પોઢો, પોઢો, મારા રાજવી !
મારાં હૈયાં હીંચોળાં ખાય રે :
રજની રજે ભરે રે :
ગાઉં અનંતતાનાં ગીતડાં,
સજો, વહાલમ ! ત્યાં નીદરમાંય રે ! -
રજની રજે ભરે રે. ૬
હૈયે અંધારાં છે લખ્યાં,
તેને કર્મે જનમના વિજોગ રે :
રજની રજે ભરે રે :
સાઠે ઘડી તપી ઘૂમવું,
તેની રામાને શા રસભોગ રે ?
રજની રજે ભરે રે. ૭
પૂર્વે પ્રભા રતૂડી ઊડે,
હાય ! પ્રીતમના રથ જાય દૂર રે :
રજની રજે ભરે રે :
પલકી પલકી પડું આખરે,
મારી ભાગ્યની પોથી કાં ક્રૂર રે ?
રજની રજે ભરે રે. ૮
