આ પાનાનું પ્રુફરીડિંગ થઈ ગયું છે
વિશ્વલીલા
૬૫
પનિહારી ચંદા
♦ કે આભમાં ઝીણી ઝબૂકે વીજળી રે. ♦
કે પાણીડાં ગઇ'તી અમીસરોવરે રે,
કે બેડલું રેલાતું ચોધાર :
છલોછલ છલકે મારું બેડલું રે.
કે ઢળી ઢળી જાતાં અમી એ વાટમાં રે,
કે હસતો છૂપતો સૂર્યકુમાર :
છલોછલ છલકે મારું બેડલું રે. ૧
કે કુંજમાં વાટડલી જઉં પાડતી રે,
કે પગલે પડતા અમી છંટકાવ :
છલોછલ છલકે મારું બેડલું રે.
કે રેલા અમીના ઊતરે આભલે રે,
કે આભલે ઊઘડે રૂપલા ભાવ !
છલોછલ છલકે મારું બેડલું રે. ૨
