આ પાનું પ્રમાણિત થઈ ગયું છે.
108
સૌરાષ્ટ્રની સરધાર : 5
“શેનું સોણું?”
“અરે ભયંકર સોણું ! જાણે તું તણાઈ ગઈ, ને હું વરસ-દીથી રોયા કરું છું!”
“કસુંબો કાંઈક વધુ લેવાઈ ગયો હશે!”
આંખો ચોળીને ચારણે દુનિયા ઉપર દૃષ્ટિ ફેરવી. ઉચાળા લઈને યુગલ ગામમાં ગયું. ગઢવીને દરબારે સારો જોઈને ઉતારો કાઢી દીધો.
પછીયે કોઈ કોઈ વાર ચારણ રાત્રિના ચાંદરડાંને અજવાળે ચારણીના મોં ઉપર મીટ માંડીને પૂછ્યા કરતોઃ “હે ચારણ્ય ! સાચેસાચ તું ત્યાં જ ઊભી’તી?”
🐦🙕❀🐦🙕❀🐦
