આ પાનું પ્રમાણિત થઈ ગયું છે.
૨૨૫
પિંજરાનાં પંખી
કમીબાઈ સતી કહે અમે શું માગીએ, આવો કળજુગ નો સે'વાય,
સદા તમારે શરણે રાખજો, રાખજો તમારી પાસ,
- રાણેશ્વર જાયેં જાયેં.
તિથિ વદિ બારસ દિતવાર, મહિનો અષાઢ માસ,
સંવત ઓગણીસે સડસઠની સાલ, ચારણે સુધાર્યાં કાજ,
- રાણેશ્વર જાયેં જાયેં.
ગાય શીખે ને સુણે સાંભળે, એનો વૈકુંઠમાં થાય વાસ,
ગુરુ પ્રતાપે દેવાણંદ બેાલ્યા, પડનાં પ્રાછત જાય,
- રાણેશ્વર જાયેં જાયેં.
- જેઠા મોવડે આવું ધાર્યું, કમીબાઈએ સાથ સુધાર્યો,
- એવાં સતી કમીબાઈને કહીએ, નિત ઊઠીને નામ લઈએ.
- રામકથા હરિનામ લેતાં, શાસ્ત્રો વાંચીને સાર લેતાં,
- એકાદશી વ્રત પણ રે'તાં, સેવા શંકરની કરતાં.
- જેઠા મોવડે આવું ધાર્યું, કમીબાઈએ સાથ સુધાર્યો,
- પરસોત્તમ માસ પૂરણ નાહ્યાં, અરપણ કીધાં શીશ સેવામાં,
- અમર નથી રહેવાની કાયા, દુનિયાની ખોટી છે માયા.
- પરસોત્તમ માસ પૂરણ નાહ્યાં, અરપણ કીધાં શીશ સેવામાં,
- આવી દેવળમાં દીવડા કીધા, તુલસીપાનથી પારણાં કીધાં,
- રૂપા મોર મુખમાં લીધાં, ગોપીચંદનનાં તિલક કીધાં.
- આવી દેવળમાં દીવડા કીધા, તુલસીપાનથી પારણાં કીધાં,
- એવાં વિવેકી વિગતે કીધાં, પ્રેમના પ્યાલા પ્રીતે પીધા,
- હરિરસ હામથી પીધા, કમલપૂજા જુગતીથી લીધા.
- એવાં વિવેકી વિગતે કીધાં, પ્રેમના પ્યાલા પ્રીતે પીધા,
- ગુરુ ગંગારામ વચને બારોટ દેવાણંદ એમ બોલ્યા,
- જુગોજુગ અમર રહ્યાં, શંકરને શરણે થયાં.
- ગુરુ ગંગારામ વચને બારોટ દેવાણંદ એમ બોલ્યા,
- જેઠો મોવડ જગમાં સીધ્યો, કમીબાઈ કુળનો દીવો,
- રાણાગામ ઋષિનો ટીંબો, તેમાં અચરજ શું કે'વો.
- જેઠો મોવડ જગમાં સીધ્યો, કમીબાઈ કુળનો દીવો,
- દીનાનાથે મોકલ્યા અમને, જાવ પરોળીઆ પૂછો એને,
- આવો કામો કોણે કીધો, આવો કોઈને ન દીઠો.
- દીનાનાથે મોકલ્યા અમને, જાવ પરોળીઆ પૂછો એને,