આ પાનું પ્રમાણિત થઈ ગયું છે.
સૌરાષ્ટ્રની ૨સધા૨: ૩
૨૨૬
- આવી પરોળીઆ પૂછવા લાગ્યા, કોનાં છે બાળક,
- અંતરમાંથી કહોને અમને, ત્રિકમજી સમરે તમને.
- દેવીપુત્ર કુળ અમારો, ભાવે કરીને ભજીએ માવો,
- સૌને સવારથ છે વહાલો, અમને વા'લો કૃષ્ણજી કાળો.
- નાઈ ધોઈ નમસ્કાર કીધા, પૂજા કીધી, પરિક્રમણ કીધાં,
- શીશ વધેરીને શંકરને દીધાં, કારજ પોતાનાં તો કીધાં.
- ગુરુ પ્રતાપે દેવાણંદ કહે છે, એ પ્રભુ એને શરણે લેજો,
- ભલો કીધો ભાવનો મેળો, આવ્યો વેમાનથી તેડો.
જેઠા મોવડના ભાઈ એ આ દેવાણંદ ભગતને એક ભેસ દાનમાં આપવા માંડી. ભગતે કહ્યું : “હું તો કાળું દાન લેતો નથી. પણ જેઠાની કાંઈક યાદગીરી રહે તેવું પુણ્ય કરો.”
