આ પાનાનું પ્રુફરીડિંગ થઈ ગયું છે
અંજલિ ગીતો
૧૦૭
“તુજ રવ મધુરા મધુરા સઘળે સાંભળું :
તેજતિમિરમાં હસતું મુખ તુજ જોઉં જો :
પ્રેમઝરણમાં નિર્મલ ઉર ના'તો દીસે :
એ તુજ રાસ અખંડ વિષે ચિત પ્રોઉં જો !
મોહન મુરલીધર ગુર્જરીના બાલુડા ! ૨૮
દેવી રડે છે અતિ શોક ઊંડે,
(દ્રુતવિલંબિત)
ને ચક્ષુઓ અશ્રુપ્રવાહ બૂડે;
હાથે ધરી તે પ્રિય મોરલીને
દેવી પડે ત્યાં મુખ આંસુભીને. ૨૯
દેવી રડંતાં સહુ બાળ રોય;
વર્ષા અહીં આજ વસંત જોય !
ને વાટિકા અશ્રુ વિષે તણાય : -
વાયુ ગયો - પુષ્પ તૂટ્યું જણાય ! ૩૦
તિમિર ત્યાં ખસતું ઝરણાતટે,
તુમુલ વારિ ધીમે જ ધીમે ઘટે;
અકલ એ વિધિચક્ર વિચારતી,
કંઇક દેવી ઊઠે ધીર ધારતી. ૩૧
