આ પાનાનું પ્રુફરીડિંગ થઈ ગયું છે
અંજલિ ગીતો
૧૦૯
નહીં કો આવ્યાં સ્વપ્નાં દૂરનાં રે,
નહીં કો આપ્યાં ઉરનાં કહેણ જો :
દીઠી જ્યોતિ અકથ આનંદની રે,
ને તું ચાલ્યો ફેરવી નેણ જો !
મધુરા પંથ હજો તુજ, વીરલા રે ! ૩
અણસુણ્યાં સંગીત વહે પથે રે,
અણદીઠા જ્યોતિના રંગ જો;
પળપળ આવે વધતી માધુરી રે,
પળપળ સરતાં લાગે અંગ જો !
વીર ! પળ્યો તું એ નવભૂમિમાં રે ! ૪
અંતરનું અંતર તૂટ્યું અહીં રે,
ફૂટી એક અમારી આંખ જો :
તું ઊંછે જઇ ઊડે ગેબમાં રે !
તૂટી અમ પંગુની પાંખ જો !
અધૂરાં ભાગ્ય અમારાં ભૂ પડે રે ! ૫
સેવા કીધી સંતત માતની રે,
શુદ્ધ બજાવ્યો તેં તુજ ધર્મ જો :
આજે રડતી સમરે ગુર્જરી રે
સૌ તુજ દેશપ્રીતિના મર્મ જો :
કેમ ભુલાય કદી મટુભાઇને રે ! ૬
