પૃષ્ઠ:Rashtrika - Gu - By Ardeshar Khabardar - 1940.pdf/૧૨૫

વિકિસ્રોતમાંથી
આ પાનાનું પ્રુફરીડિંગ થઈ ગયું છે
અંજલિ ગીતો
૧૧૫
 


હો બંધુ, ગયો તું ચાલી
કુદરતશું ફરવા દૂર ;
લાગ્યાં શું અમ ઉર ખાલી
ચોગમ દ્વેષે ચકચૂર ?
સંભારી સ્વર્ગે વહાલી
અહીં વાળ્યાં આલમનૂર ?
ત્યાં ચાલ્યો ગાવા મહાલી
શું ગાન પરમ રસપૂર ?

તુજ હૈયાની બલિહારી
અહીં જોઇ અમે કંઇ ઑર,
તુજ સ્નેહવસંતે ભારી
લચતા મૃદુતાભર મૉર :
કંઇ કંઇ ધારી અણધારી
તુજ હૈયે તપી બપોર !
ન્યારી, વહાલા, રે ન્યારી
તુજ કુસુમ સમી ઉરદોર !

ડોલી બહુ તારી કીસ્તી
ભવસાગરને તોફાન,
ખોળી હસ્તી ને નીસ્તી
તું રોજ રહ્યો હેરાન ;