આ પાનાનું પ્રુફરીડિંગ થઈ ગયું છે
અંજલિ ગીતો
૧૧૮
નભગંગા પૂરી લોલે
જ્યાં આંજે આંખ અમાસ,
જીવન અવસાને બોલે,
ને પૂરે પ્રભુજી આશ. ૧૦
વહાલા, પ્રભુપદ તું ખેલે
છેડી તુજ વીણાતાર,
અહીં વહતી રસભર રેલે
મધુરી ધીરી સ્વરધાર ;
રોતી ઉરપાર ઉકેલે
ગુર્જરી તુજ ગાનપ્રકાર :
શા રંગ હશે સુરમહેલે ?-
મુજ આંખ ઊડે જગપાર ! ૧૧
ઊગશે રવિ ને આથમશે,
રહેશે સત્ય જ ને સ્નેહ,
આગળપાછળ નભ નમશે,
વચ્ચે તપશે રવિદેહ :
તુજ ગાન પિતાઉર શમશે,
ભરશું ઉર એ રસલેહ,
ત્યાં તુજ રતિઘન ધમધમશે,
વહાલા, અહીં જ્યોતિર્મેહ ! ૧૨
