આ પાનાનું પ્રુફરીડિંગ થઈ ગયું છે
ભારતપુત્રોનાં ગીતો
૧૨૫
અમારો દેશ
• દિવ્ય •
અમે ભરતભૂમિના પુત્રો !
અમ માત પુરાણ પવિત્ર,
રે જેનાં સુંદર સૂત્રો
ઝળકાવે ઉચ્ચ ચરિત્ર;
અમ અંતરને ઉદ્દેશી
કરશું હોકાર હમેશ :
અમે દેશી, દેશી, દેશી !
આ દિવ્ય અમારો દેશ ! ૧
અંધાર વિષે અથડાતાં,
કે ફરતાં ભવ્ય પ્રકાશ;
પડતાં રડતાં રગડાતાં,
કે કરતાં હાસ્યવિલાસ;
પળપળ અમ ઉરનિધિએ શી
હા ઊછળે ઊર્મિ અશેષ !
અમે દેશી, દેશી, દેશી !
આ દિવ્ય અમારો દેશ ! ૨
