પૃષ્ઠ:Rashtrika - Gu - By Ardeshar Khabardar - 1940.pdf/૧૩૯

વિકિસ્રોતમાંથી
આ પાનાનું પ્રુફરીડિંગ થઈ ગયું છે
ભારતપુત્રોનાં ગીતો
૧૩૧
 


ભરતભૂમિનું જયગીત


લાવણી

ભરતભૂમિના શૂરપુત્ર તે રહ્યા અમે શું રડી રડી ?
રહ્યા અમે શું રડી રડી ?
ખળખળતા ઊછળે બીજા ત્યાં રહ્યા અમે શું પડી પડી ?—

શું ગયા રામ ને કૃષ્ણ અમારા વીરા ?
ભીમાર્જુન આદિ ગયા શું પાંડવ ધીરા ?
શું ગયા દ્રોણ ને કર્ણ, ભીષ્મ ભડ ગાજી ?
પૃથુ, જયમલ, સિદ્ધ, પ્રતાપ અને શિવાજી ?
એ સહુ વીરોએ વરસાવી જ્યાં શૌર્યતણી ખૂબ ઝડી ઝડી,
શૌર્યતણી ખૂબ ઝડી ઝડી,
ભરતભૂમિના શૂરપુત્ર તે રહ્યા અમે શું રડી રડી ? ૧