પૃષ્ઠ:Rashtrika - Gu - By Ardeshar Khabardar - 1940.pdf/૧૪૫

વિકિસ્રોતમાંથી
આ પાનાનું પ્રુફરીડિંગ થઈ ગયું છે
ભારતપુત્રોનાં ગીતો
૧૩૭
 


નથી રે કો'ના જીવ લેવા,
નથી એ કરવાં કો ખૂન ;
નથી દંડ અવરને દેવા,
નથી ભરવું ધર્મઝનૂનઃ
નવ ડરિયે દુખ ઘા સહેવા,
નવ રહિયે સત્યે ન્યૂન :
ઉરટેક, અહિંસા, સેવા
છે ભારતધ્વજની ધૂન ! ૩

અમ ઉરના તારે તારે
ગૂંથી એ ઝંડાની કાય,
અમ શ્વાસતણા ફુંકારે
એ ફરફર ઊડતો જાય ;
અમ સ્વપ્ન ત્રિરંગ ઝગારે
સૌ ભેદ ભૂંસી એ માંહ્ય :
યુગયુગ અમ પ્રાણમિનારે
ભારતઝંડો લહેરાય ! ૪

નથી હિન્દુ મુસલમિન હ્યાં કો,
નથી આમ અને નથી ખાસ;
નથી નર નારીનો આંકો,
નથી રંક ધનીનો ભાસ :