આ પાનાનું પ્રુફરીડિંગ થઈ ગયું છે
૧૪૮
રાષ્ટ્રિકા
અમારા રક્ત તો ઠંડા,
બને ક્યમ ઉષ્ણ તે મંદા ?
નહિ દુ:ખતાપથી તપતાં
કદી ઉછાળે વિજય જપતાં. ૪
અમારી રિદ્ધિ તો બૂડી,
અમારી સિદ્ધિ એ ઊડી;
અમારા વીર પણ સાથે
ગયા બળી સ્વર્ગને માથે ! ૫
હવે ક્યાં રે અમો જઇયે ?
અમારું દુ:ખ ક્યાં કહિયે ?
રહ્યો નહીં રામ તો હ્યાં રે !
હવામાં અમ અરજ હારે ! ૬
નહીં ગામે, નહીં શહેરે,
નહીં દેશે, દીસે ચહેરે:
બળ્યું જીવન અરે એવું,
રહ્યું ભીરુત્વનું દેવું ! ૭
નહીં કો ઠામ ઠરવાનું,
નહીં કો નામ વરવાનું :
ભિતર ધૂણી રહી સળગી,
કરે રે કોણ તે અળગી ? ૮
