આ પાનાનું પ્રુફરીડિંગ થઈ ગયું છે
૧૫૬
રાષ્ટ્રિકા
તમે અંધારામાં પડી આ, વિચારો સ્વપ્નમાં જડિયા !
જશે તે સ્વપ્ન-અંધારે, નહી જો તેજ માગો રે ! — ઊઠો.
જુઓ દિનનાથ નિજ કરથી પ્રસાદી જાય દેતો શી !
તમે સૂઈ રહી ખોશો, ભલા, આલસ્ય ત્યાગો રે ! — ઊઠો.
ગરીબડી હિન્દને દ્વારે ઘૂસીને કાળ કર મારે,
કૂદીને મારી કાઢી એ, સ્વદેશી દુ:ખ ભાગો રે ! — ઊઠો.
તમો આ હિન્દના જાયા ! તમો નહિ જો ધારો માયા,
બિચારી ક્યાં જશે તો એ ? થશે સુખદીન આઘો રે ! ઊઠો.
ઊઠો ત્યારે બનો શૂરા ! ઝૂઝોને પ્રેમથી પૂરા !
સુણાવો હિન્દને મધુરા અદલ જયકાર રાગો રે ! — ઊઠો.
