આ પાનાનું પ્રુફરીડિંગ થઈ ગયું છે
દેશદશાનાં ગીતો
૧૫૯
ઘેરાં આ ઘેરતા દીસે ચારે રે દિશાનાં નેણો,
અસુરોનાં પૂર બધે ઉલટે હો જી :
રખે રે ચૂકો હો વ્હાલાં ! નિશાન તમારું કદી,
અંધારા ફોડીને દિન પ્રગટે હો જી ! ૧૦
આજે રે ભાંડુડાં ! જરી માતાકેરી ગોદે બેસી
સુખદુ:ખ કેરી વાતો કરિયે હો જી;
નાનાંમોટાં, કાળાંગોરાં, નબળાંસબળાં, સૌએ સાથે
માતાને મંદિરે જીવન ધરિયે હો જી ! ૧૧
આવો રે આવો રે મોંઘાં ભારત ભાંડુડાં, આવો !
માતા કેરો બોજ લ્યો ઉઠાવી હો જી !
ધર્મ કેરી વાટે પડી કર્મ કેરાં ઘાટ જીતો –
ક્હાનાની ભૂમિના એ જ ભાવિ હો જી ! ૧૨