આ પાનાનું પ્રુફરીડિંગ થઈ ગયું છે
પ્રોત્સાહનનાં ગીતો
૧૬૭
હે યૌવના ગગનસુંદરી શુક્રતારા !
હો પૂર્વમાં ઝળકતી ઊગતી સુબાળા !
તું બાળકી મુજ સ્વદેશતણી રૂપાળી,
શી સૌમ્ય લોચનથકી રહી છે નિહાળી ! ૧
તું શી ઊભી રહી અહીં અતિ પ્રેમ રાખી
આ હિન્દના હૃદય ઉપર ડોક નાખી !
દીસે વિરામ બહુ પામતી તું રસીલી,
આનંદમાંહ્ય ઝગતી અતિ તું છબીલી. ૨
કે એમ શું ચળકતી તુજને સુતાલે
ટીલી સમી નિરખું હિન્દતણે કપાળે ?
કે હિન્દને શિર સુશોભિત એમ થાપી
આ તું ઝગે મુગટ જેવી પૂરી પ્રતાપી ? ૩
- ↑ *ઈ. સ. ૧૯૦૩.
