આ પાનાનું પ્રુફરીડિંગ થઈ ગયું છે
૧૮૨
રાષ્ટ્રિકા
ખાંડાની ધારે
• પુનરાવળી છંદ*[૧] •
ભર આકાશે વાદળ છાયાં,
અંધારે વનવન ગૂંચવાયાં,
ઘૂડ ચીબડિયાં જ્યાં ત્યાં ધાયાં :
કોણ પૂરે પાંચાલી-ચીર ?
આશ-નિરાશે આતમદાંડી
ડોલંતી દે ધૈર્ય ન છાંડી,
ડગમગતું જગ રહે દૃગ માંડી :
વહારે કોણ જશે નરવીર ?
ઊંડાં અજવાળાં જો આવે ;
ગુર્જરવીર ! ગુર્જરવીર !
ઘૂડ ચીબડિયાં શું ત્યાં ફાવે ?
ગુર્જરવીર ! ગુર્જરવીર !
- ↑ *આ છંદ નવો રચ્યો છે. એની રચનાવિધિ માટે પાછળ વીરબાળક બાદલ કાવ્યની નીચેની નોંધ વાંચવી.