આ પાનાનું પ્રુફરીડિંગ થઈ ગયું છે
કર્ત્તવ્યનાં ગીતો
૧૮૯
વિધિનું વહાણું વાયું, વીરા ! પી લ્યો પ્રાણકટોરા !
ઘંટા વાગે : શું ન તમારે હૈયે પડ્યા ટકોરા ?
ઘંટા ઘણઘણ ઘણઘણ થાય ! ૫
શું વાદળનાં જૂથ ડરાવે ક્રોડ કિરણના ભાલા ?
એક સૂર્ય પૂર્વે ઊગે ત્યાં સૌ તમબંધ નમાલા !
ઘંટા ઘણઘણ ઘણઘણ થાય ! ૬
જન્મ કશો, ને મૃત્યુ કશું ? સૌ છે જીવનની લીલા :
આજ કરો કર્તવ્ય જ વીરા ! એક બનો ટેકીલા !
ઘંટા ઘણઘણ ઘણઘણ થાય ! ૭
જાગે તેનાં છે અજવાળાં, નહિ તેનાં અંધારાં :
ઘંટા વાગે : અંતર જાગે : ધનધન થયાં સવારાં !
ઘંટા ઘણઘણ ઘણઘણ થાય ! ૮
