આ પાનાનું પ્રુફરીડિંગ થઈ ગયું છે
સંગ્રામનાં ગીતો
૨૨૩
શૂરા શિખ ને પંજાબી,
ગુરખા, રજપૂત, પઠાણ ;
ભડ ગઢવાલી ને બંગાલી,
સિંધી, કાઠી બળવાન ;
ગુર્જર વીરો, દ્રાવિડ ધીરો,
ને જાટ, મરાઠા સ્વાર :
તમ યશનામ
ઠામે ઠામ
આજ જગવે જયજયકાર !
જ્યારે પડઘમના ઘણઘોષ પડે,
ને ગરજે જયજયકાર !
હે ભારતના સત્પુત્રો !
માતાનાં પ્રિય સંતાન !
કરમાં કર લઈ, રણમાં સર દઈ,
રાખો ભારતનું માન !
નામે ધર્મે વિધવિધ કર્મે,
પણ એક ધરાપરિવાર :
ભારત ટેક
રાખો નેક,
સઘળે જગવો જયજયકાર !
