આ પાનાનું પ્રુફરીડિંગ થઈ ગયું છે
૧૨
રાષ્ટ્રિકા
હો મારી ગુજરાત ! જે અમ છે તે છે સૌ તારું :
તુજથી કેમ કશું રહે ન્યારું ?
સુખદુખસાગરમાં વહેતી અમ નૌકાનું તું બંદરબારું ;
તુજ અંધારું પણ છે સારું :
અમ દમ હાસ્ય રુદન કે વિજય પરાજય-એ સૌ ચલિત ઠગારું :
હો મા ! પ્યારું વતન હા પ્યારું !
હો મારી ગુજરાત ! છાતી ઠોકી અમે સૌ કહીશું ,
સાચા ગુજરાતીઓ રહીશું !
લાખો કષ્ટ પડે અમ શિર પર પણ તે અડગ રહી સૌ સહીશું :
તારી કીર્તિ અમારી નહીં શું ?
તુજ મટ્ટીને શ્વાસ વહે અમ તનમાં તે તો શુદ્ધ જ વહીશું :
હો મા ! જય જય તારી જ ચહીશું !
