પૃષ્ઠ:Rashtrika - Gu - By Ardeshar Khabardar - 1940.pdf/૨૮

વિકિસ્રોતમાંથી
આ પાનાનું પ્રુફરીડિંગ થઈ ગયું છે
ગુજરાતનાં ગીતો
૧૫
 



લાખેણી મુઅજ ભૂમિ !
તુજથી દૂર રહ્યો હું ઘૂમી :
જેવો તેવો ગુણહીણો હું તારા ચરણ રહું આ ચૂમી !
ઉરથડકે થડકે હું પૂજું, તુજને ચાહું શ્વાસેશ્વાસ,
મારો કુંભ ભરું કે ઠલવું : સૌ તુજ કાજે પ્રેમપ્રયાસ ;-
તું મુજ હ્રદહુલાવણ પ્રુથ્વી, હું તુજ ચંદ્ર ભમું ચોપાસ !
હો મુજ ગુણગરવી ગુજરાત !


કેમ તને શણગારું ?
તારી કીર્તિ બધે વિસ્તારું ;
મારાં સ્વપ્ન અકથ સ્વર્ગોથી ચૂંટી તુજ નયને નિર્ધારું !
પડ પડ જ્યમ આભે ઊઘડતાં દીપે રજનીની મહોલાત ,
નવનવ નૂરથકી ત્યમ ભરશે યુગયુગ તુજ સંતાન સુજાત ;
હું તે રંક તને શું આપું ? મારું જીવન છે તુજ, માત !
હો મુજ ગુણગરવી ગુજરાત !