પૃષ્ઠ:Rashtrika - Gu - By Ardeshar Khabardar - 1940.pdf/૩૬

ગુજરાતનાં ગીતો

૨૩

 

---

⁠નથી રુધિર રેલવવાં કોનાં ;
નથી હ્રદય ચીરી અરિઓનાં નિજ હ્રદયો કરવાં પ્રભુભંગ ;
નથી વિજયના રંગ રુધિરમાં જ્યાં જનરક્ત ભરે ઉરગંગ :
⁠હો ગુજરાત ! હો ગુજરાત ! ૪

⁠પ્રેમ વસે ત્યાં દ્વેષ રહે ક્યાં ?
આકાશે અંધાર વહે ક્યાં, જ્યાં દિનકરનો થાય પ્રકાશ ?
જ્ઞાનદીપ સળગ્યો જ્યાં અંતર ત્યાં અજ્ઞાનતણો છે નાશ ;
⁠હો ગુજરાત ! હો ગુજરાત ! ૫

⁠મરદાની મુજ ગુર્જર વીરા !
કર્યધુરંધર, શૂર, અધીરા ! મુખ યૌવનનો ગર્વપ્રતાપ ;
અંગ રુધિર ઊછળે નભ અડતાં ; ભરો હરોલે હર્ષ અમાપ !
⁠હો ગુજરાત ! હો ગુજરાત ! ૬

⁠ભૂત બધું પાછળ છે મૂક્યું --
આજ ઉરે નવજીવન ફૂંક્યું, દુનિયા બધે નવી દેખાય ;
નવઆશે નવહાસ્યે ધસવા આજે પાદ અધીરા થાય ;
⁠હો ગુજરાત ! હો ગુજરાત ! ૭

⁠મુખી પડ્યા કે હઠ્યા પછાડી ?
ધસો ધજા લો હાથ ઉપાડી, ફરકાવ્યા જાઓ ધુનભેર :
ધર્મભાર શૂરો જ વહે એ -- એક પડે ત્યાં ઊઠે તેર !
⁠હો ગુજરાત ! હો ગુજરાત ! ૮