આ પાનાનું પ્રુફરીડિંગ થઈ ગયું છે
ગુજરાતનાં ગીતો
૩૧
પ્યાલાં ઝેરતણાં છે પીવાં મૌન મુખે ધારી વ્રતઘોર ,
વહાલાં સ્વજન જવાં છે છોડી કરી નિજ અંતર વજ્રકઠોર :
ભારતઝંડાને જાળવવા ,
જગમાં શાંતિસુધા ઠાલવવા ,
કોણ કૂદી પડશે આગળ ધરી ભારતભાગ્યતણી કરેદોર ?
છે એ કોણ વીરોની માત ? --
સૌની પહેલી ગુજરાત !
સૌની પહેલી ગુજરાત !
ગુજરાત જ રે ગુજરાત !
વાગે ડંકા સમરાંગણમાં કરતા ચેતનના રણકાર ,
જાગે જ્વાળ પ્રલયની જ્યારે સુણતાં મુક્તિતણા ટંકાર ;
જ્યારે આતમકુંદન તાવી
જ્યોતિ ભરે ભારતનું ભાવી ;
ભરભર ભાદરવાનાં પૂર સમાં ત્યાં ધસવા તેણી વાર
ઝુકવે કોણ અદલ ભલી ભાત ? --
સૌની પહેલી ગુજરાત !
સૌની પહેલી ગુજરાત !
ગુજરાત જ રે ગુજરાત !
