પૃષ્ઠ:Rashtrika - Gu - By Ardeshar Khabardar - 1940.pdf/૭૭

વિકિસ્રોતમાંથી
આ પાનાનું પ્રુફરીડિંગ થઈ ગયું છે
અંજલિ ગીતો
૬૭
 



પ્રિય દેશ કાજ ઝઝૂમીને,
પરદેશમાં નિત ઘૂમીને,
સેવા કરી
કીધી ખરી
આભારી ભારતભૂમિને !
નથી સુખ અવર જાણ્યું તમે વીરા અરે !
નિત દેશયજ્ઞે જીવનહોમ દીધો ખરે !
હા, એ મહાવ્રત તમ તપો નિશદિન અખંડ પ્રકાશમાં !
ઋષિરાજ ! એ તમ આત્મવ્રત ગૂંથો અમારા શ્વાસમાં !


નહીં ભય કદી ધાર્યો ઉરે;
વીરા ! વહ્યા ભક્તિપૂરે,
અરીદળ વિષે
રે દશદિશે
કીધો વિજય એકલશૂરે !
એ અભયવિભૂતિ લગાડજો અમને, વીરા !
એ ભક્તિગીતા શીખવાજો અમને, ધીરા !
તમ મહાભાવતણી પ્રભા અમ હૃદયમાં કંઇ મૂકજો,
અમ પ્રાણમાં ઋષિવીર ! એ તમ મહામંત્ર જ ફૂંકજો !