આ પાનાનું પ્રુફરીડિંગ થઈ ગયું છે
૭૨
રાષ્ટ્રિકા
મલબારીના સ્વર્ગસ્થ આત્માનેનો
• રાગ કાફી – ધીરાના પદની રાહ •
દુખીયારાંના બેલી રે, પાંગળિયાંની પાંખડી !
રોતી ગયો શું મેલી રે હિંદ મૈયાની આંખડી !
ઊંચી ઊંચી તુજ મેડી આકાશે, નીચા અમારા વાસ;
તોય હૃદય તુજ નીત્ય ધડકતું, દૂભતું બની દીન દાસ:
સેવા કીધી સાચી રે, જાણી ના તેં જડઝાંખડી;
ભૂલે તે શું ભવમાં રે, હિંદ મૈયાની આંખડી ? ૧
રોતાંને જઇ રોકતો, વીરા ! રોતો આંતર આપ;
હિંદ મૈયાના દીન હૃદયની શુદ્ધ બન્યો તું ખાપ;
તજી રત્નજડીત મોજડી રે, પહેરી કઠણ પદ ચાખડી;
આજે કોણ જ લોહશે રે હિંદ મૈયાની આંખડી ? ૨
પૂર્વના પર્વત ને પશ્ચિમના સાગર ઘૂરકી રહ્યા અંધભાવ ;
શ્વેત ધજા તુજ ત્યાં રણ રોપી તેં કીધો અમૃત પ્રસ્તાવ :
બંધુતાની બાંધી રે સહુને તેં દિવ્ય રાખડી ;
જોતી સ્વપ્ન મોંઘેરા રે હિંદ મૈયાની આંખડી ! ૩
