આ પાનાનું પ્રુફરીડિંગ થઈ ગયું છે
અંજલિ ગીતો
૭૫
૨
મોંઘો અમૂલ્ય પ્રસંગ આ,
છે અતુલ્ય ઉમંગ આ;
પ્રિય હૃદયના
સુરવિજયના
મોંઘા અમારા રંગ આ:
એ રંગમાં ક્યમ એકલા અહીં મહાલિયે ?
આ લોક ને પરલોક સાથ ઉજાળિયે :
શિર જેનું અડતું સ્વર્ગને
ધારતું રવિગર્ભને,
ના ભૂલતું તે આ ધરા પણ ભાળિયે :
એ આત્મનો ઉત્સવ ઊજવવા, સુરજનો ! પૃથ્વીજનો !
આવો બધા, અહીં ગાંઠિયે નવપ્રેમગાંઠ પતીજનો !
૩
એ ગાંઠનારો કો હશે,
જગ બધું જે મોહશે
સદ્વચનથી
સન્મથનથી
જે આંસુ જનનાં લોહશે?
