પૃષ્ઠ:Rashtrika - Gu - By Ardeshar Khabardar - 1940.pdf/૮૯

વિકિસ્રોતમાંથી
આ પાનાનું પ્રુફરીડિંગ થઈ ગયું છે
અંજલિ ગીતો
૭૯
 



વીરા ! લળે ઉર કેમ ના?
આ મહોસત્સવ હેમના
ભારત વિષે
થળથળ દિસે:
લ્યો નમન આ અમ પ્રેમનાં !
વીરા ! તમારું તેજ હ્રદય જગાડજો !
અમ જીવને તમ સત્ય બીજ ઉગાડજો !
અમ કુંજ લીલો થાય આ,
ભારતે રસ છાય આ,
ગંગા ફરી દેવત્વભર વહેવાડજો !
તમ જ્યોતથી અહીં ક્રોડ જળજો જ્યોત સત્ય સમાધિની !
ભારત વિષે ઘરઘર થજો જયજય મહાત્મા ગાંધીની !