પૃષ્ઠ:Rasik Vallabh - 1890 Edition.pdf/૧૨૩

વિકિસ્રોતમાંથી
આ પાનાનું પ્રુફરીડિંગ બાકી છે

એક પ્રેમ આસક્તિ વ્યસન, તન્મયપણું મળી ચાર;
ચો સ્નેહ કરી અવસ્થા, કાંઈ કથું બીજી વાર.
તન તપે બહુજ વિયોગથી, રતિ તેની તે અતિ દીન;
એ પ્રેમ લક્ષણ કહ્યું કિંચિત, ત્યાંનું ત્યાં રહે મન.
એક વાર આખા દિવસમાં, વણ મળે રહેવાય;
કદિ ના મળે તો વિકલ થાય, આસક્તિ એ કહેવાય.
ઉર પરસ્પર વિંધાય નવ નવ ખસી શકે જો અણુમાત્ર
જન દયા પ્રીતમ કૃષ્ણ કરુણા તો વ્યસન રસપાત્ર.

પદ ૬૬ મું

અતિ દુર્લભ છે એવી ભક્તિજી, જેની દાસી ચારે મુક્તિજી;
આચરણ, વય, વિદ્યારૂપ કોયજી, ધન, જાતિ,બલ હરિ નવ જોયજી.
રાધાવર ભક્તિ દસ ભીંજેજી, નિર્મળ પતિ પાખ્યે નવ રીઝેજી;
પારધિ ક્યાં આચરણ પ્રતિપાલજી, વય ક્યાં હતું ધ્રુવજી બાળજી.

ઢાળ

ધ્રુવ બાલ, ગજ વિદ્યા કશી? કુબ્જા હતું ક્યાં રૂપ?
ધન સુદામાને ક્યાં હતું ? વિદુર શી જાતિ અનુપ?
પુરુષાર્થ શું ઉગ્રસેનમાં ? નિરખિયો નંદકિશોર;
રિઝિયા કોલ ભક્તિથી, એક એ જ હરિ ચિત્તચોર.