આ પાનું પ્રમાણિત થઈ ગયું છે.
૮૮
ઋતુગીતો
ત્યાંથી ને વીરડે ઘોડાં ખેડિયાં ને
આવ્યો બેનીને દેશ.
સૂતાં હોય તો રે બેની જાગજો ને
આયા પરદેશી વીર.
ક્યાં રે બાંધું રે બેનડી ઘોડલાં ને
ક્યાં રે વળગાડું હથિયાર ?
ઘોડાં બાંધો રે વીરડા ઘોડારમાં ને
ખૂંટીએ વળગાડો હથિયાર,
ઢાળો ઢાળો રે બેની ઢોલીઆ ને.
[૧] લ્યો ને માતાજીના શોધ!
મેલો મેલો રે વેવાણ મારી બેનડી ને
[૨] સવારી સરામણ ત્રીજ.
નહિ રે મેલું વેવાઈ તારી બેનડી ને
[૩]બારે હાળિયાની ભથવાર.
કાઠો વાળો રે વેવાણ કાછડો ને
ધમકે ઉપાડો ભાર.
❋