આ પાનું પ્રમાણિત થઈ ગયું છે.
૧૨૭
શું બોલું
♣
(પદ)[૧]
શું બોલું, રે મૈયા ! શું બોલું ?
મારો કંઠ આ રૂંધાય, મૈયા ! શું બોલું ? (ધ્રુવ)
સાતે સાગર તરીને આવ્યો છે જે જોદ્ધો,
કાંઠે ડૂબે તે અહિંયાં શું બોલું ?
મારો કંઠ આ રૂંધાય, મૈયા ! શું બોલું ?૧
ઇંદ્રધનુષ્ય પાંખો ખોલે ન ખોલે.
ઉડે સૌંદર્ય તહિંં, હા ! શું બોલું ?
મારો કંઠ આ રૂંધાય, મૈયા ! શું બોલું ?૨
સંધ્યાની કીકી જરા પલકે ન પલકે,
મીંચે અંધાર જઈ આ, શું બોલું ?
મારે કંઠ આ રૂંધાય, મૈયા ! શું બોલું ?૩
- ↑ *“ક્યા માગું રે મેં ક્યા માગું, એસી ટૂંકીસી જીંદગીમે ક્યા માગું ? —એ ચાલ.
