આ પાનું પ્રમાણિત થઈ ગયું છે.
૨૮
પારણું
( ગરબી )
નીંદરડી આવીને મારા બાગમાં પેઠી ;
નીંદરડી! તું તો છે ફૂલ ચોર :
હાં રે પોઢે મારો કનૈયો....... ૧
નીંદરડી આવીને મારા વાસમાં પેઠી ;
નીંદરડી! તું તે છે તેજ-ચોર :
હાં રે પોઢે મારો કનૈયો.......૨
નીંદરડી તે કનૈયાની આંખમાં પેઠી ;
નીંદરડી ! તું તો છે કીકી ચોર :
હાં રે પોઢે મારો કનૈયો....... ૩
નીંદરડી ! કનૈયાને તું લોલજે બેઠી !
કનૈયો તું જેવો દૂધ-ચોર :
હાં રે પોઢે મારો કનૈયો....... ૪
_____________________________________________
- આ ગરબી નવી રચી છે.