આ પાનું પ્રમાણિત થઈ ગયું છે.
૭૦
અમારી ગુજરાત
(ગીત)
કોણ કહેશે, નથી આ અમારી ગુજરાત ?
અમારી ગુજરાત હો જીવનની મહોલાત :
કોણ કહેશે, નથી આ અમારી ગુજરાત?—(ધ્રુવ)
પગલે પગલે જ્યાં મોતી વેરાયાં,
સ્નેહે ઘૂમે માતજાયાં સજાત :
કેશુ કહેશે, નથી આ અમારી ગુજરાત ? ..........૧
નવ ખંડ ગાજે ચેતન અવાજે,
લ્હાવો લેવો એ તો આજે ઉદાત્ત :
કોણ કહેશે, નથી આ અમારી ગુજરાત ?.........૨
આત્માને ભોગે જોગ જમાવશું,
માને મંદિર અમ પ્રાણની બિછાત !
કોણ કહેશે, નથી આ અમારી ગુજરાત? ..........૩
_______________________________________________________
- “નાહીં બનશેજી પ્રીતિના મોતીનું મૂલ”, એ ચાલ.
