નમસ્કાર સાષ્ટાંગ છેરે અમારા,
સ્મરીયે અમે ઉપકારો તમારા,
સદા સંપતી સદમતી નીતિ આપો,
કૃપા સાગરા સન્મતી નિત્ય આપો ॥ ૯ ॥
હે બ્રહ્મઈશ જગદીશ જગન્નિવાસ,
પાદારવિંદ નમિ નાથ તનેં હું દાસ;
નિત્યે નિરંતર કરૂં સ્તુતિ પ્રાર્થનાઓ,
હે વિશ્વનાથ પ્રભુ નિત્ય પ્રસન્ન થાઓ ॥ ૧ ॥
તારા અપાર મહિમા નહિ કોઈ પામે,
વાણી સહીત મન વેગ સહૂ વિરામે;
તારા અભેદ્ય૧[૧] પટમાં નહિ કલ્પનાઓ,
હે વિશ્વનાથ૦ ॥ ૨ ॥
તારી કૃપા થકી વદે વિભુ મૂક વાણી,
તારિ કૃપાથિ ગિરિ પંગુ ચઢેજ પ્રાણી;
તારી કૃપાથી જગમાં સઘળી લિલાઓ,
હે વિશ્વનાથ૦ ॥ ૩ ॥
મારાં કુકર્મ સઘળા તમને વિદીત,
વિસ્તાર નાથ કરવો નહિ રે ઘટીત;
કારૂણ્ય ભાવથિ કરો કરૂણા કૃપાઓ,
હે વિશ્વનાથ૦ ( ૪ )
લજ્જા રહીજ સઘળી પ્રભુ હાથ તારે,
મારો નિભાવ કરવો નહિ નાથ ભારે;
તારા પ્રસાદ બળથી ભયના અભાવો,
હે વિશ્વનાથ૦ ( ૫ )
તું નિત્ય એક અજ ઈશ્વર લોકપાળ,
બુદ્ધિપ્રકાશક તનેં નમુ સર્વકાળ;
- ↑ ૧ભેદાય નહિ એવા.
