આ પાનું પ્રમાણિત થઈ ગયું છે.
પાટણનું પાણી હરામ
સરસ્વતી તો એની એ વહે છે; કાંઠા એના એ છે; પણ ગામ એ રાતમાં ટીંબો થઈ ગયું !
રજપૂત, બ્રાહ્મણ ને વાણિયા રાતા પાણીએ રોઈ રહ્યા છે !
ગામમાં કાગડા કળેળાટ કરે છે.
મસાણમાં મડદું પડ્યું હોય ને ડાઘુ બેઠા હોય, એવો દેખાવ છે !
એવે ટાણે ત્યાંથી એક સવારી નીકળી.
ભારે અરબી ઘોડા ! ઊંચી કાઠિયાવાડી ઘોડીઓ ! સોનાની મૂઠવાળી તલવાર ! ગંગા-જમની હોકા !
ભાટ-ચારણો લલકરે છે : 'બઢે જાઓ મહારાજાધિરાજ ! ઘણી ખમ્મા પાટણના નાથને !'
સવારીની આગળ એક કુંવર છે.
કલૈયો કુંવર છે. સહેજ શ્યામવર્ણો છે, પણ ભગવાને નવરાશે ઘડ્યો હોય તેવો ઘાટ છે !
પાટણનું પાણી હરામ ᠅ ૯
